ЭМЯ: Сүүлийн гурав хоногт 11 тохиолдол батлагдлаа

Улсын хэмжээнд хийгдсэн коронавирус илрүүлэх шинжилгээний хариуг танилцууллаа.

ХӨСҮТ-ийн Ерөнхий захирал Д.Нямхүү "Аравдугаар сарын 23-25-ны хооронд гурван лабораторид нийт 1189 хүнд шинжилгээ хийлээ. Үүнээс 11 хүний сорьцод коронавирус илэрлээ. 

• Аравдугаар сарын 24-ний Франкфурт-Улаанбаатарын онгоцоор ирсэн 14 настай, эрэгтэй хүүхэд,
• Аравдугаар сарын 23, 24-ний өдрүүдэд Алтанбулаг боомтоор орж ирсэн ачааны машины хоёр жолооч/46, 50 настай ОХУ-ын иргэд/,
• Аравдугаар сарын 22-ны өдөр Алтанбулаг боомтоор орж ирсэн 8 хүний/2-38 насны 4 эрэгтэй, 4 эмэгтэй хүн/ сорьцод коронавирус илэрсэн.

Ингээд сүүлийн гурав хоногт 11 тохиолдол батлагдлаа. Үүний 8 нь Монгол Улсын иргэн бол гурав нь ОХУ-ын иргэн байна. Батлагдсан тохиолдол нийт 339 боллоо. Үүнээс 312 нь эдгэрсэн. Эмчилгээнд байгаа 27 хүний биеийн байдлыг үнэлбэл, 20 нь хөнгөн, 7 нь хүндэвтэр байгаа" гэв.